C'l artìcul chè 'l è scrit in
Miranduléś |
![]() | ||
Batman Forever | ||
![]() Tommy Lee Jones in na figùra dal film | ||
Batman par sèmpar 1995 | ||
---|---|---|
Regìa: Joel Schumacher | ||
Scritōr: Bob Kane Lee Batchler • Janet Scott Batchler | ||
Atōr: Val Kilmer • Chris O'Donnell • Jim Carrey Tommy Lee Jones • Nicole Kidman • Pat Hingle Drew Barrymore • Michael Gough • Debi Mazar | ||
Müsica: Elliot Goldenthal | ||
Léngua: Ingléś | ||
Dürä dal film: 122 minüt | ||
Nasiōṅ: Stat Unî • Régn Unî |
Batman Forever (Batman par sèmpar) l è 'n film fantàstic dal 1995 ad Joel Schumacher ch'al tōś ispirasiòṅ da 'l fumét creâ par Bob Kane. 'L è 'l tèrs capìtul dal saga 'd Batman, séguit di film Batman dal 1989 e Batman - Il ritorno dal 1992 e prima 'd Batman & Robin dal 1997. 'L è stâ numinâ, sénsa vìnsar gnint, a tri Prèmi Òscar: futugrafìa, sunôr e muntàǵ sunôr.
In dla culòna sunóra i s càtan di pès di U2 (Hold Me, Thrill Me, Kiss Me, Kill Me), di Offspring (Smash It Up), dla PJ Harvey (One Time Too Many), ad Seal (Kiss from a Rose), ad Nick Cave (There Is A Light) e àt'r incóra.
Custâ sènt migliòṅ ad dòlar, al film al 'n à catâ sù dagnóra tarśènt-quarànta.
Al cumisàri 'd pulisìa James Gordon (Pat Hingle), par diféndar la sità 'd Gotham City, al ciàma in ajùt Batman (Val Kilmer) parchè a gh'è 'n perìcul nóṿ, qvél dal criminàł Dū Ghigni (Tommy Lee Jones), un vèć prucuradōr distretuàł armàś uféś in fàcia dòp èsar finî in d'l àcid p'r òpra dal boss mafióś Salvatore Maroni (Dennis Paladino). Cuma s a n fus minga abàsta a s śònta anc Edward Nigma dit 'l Enigmìsta (Jim Carrey) ch'al s mét 'd acòrd cun cla canàja lè par cumbàt'r insém.
A dar na maṅ a 'l „Óm Papastrèl“ a gh pénsa però Dick Grayson (Chris O'Donnell), un śuvnòt ch'al cumbàt druànd al nóm ad Robin esénd śvélt cuma 'n pètrós. Al ragàs al và a star sèg in dal sò castèl.
Durànt na lòta in dla baś d'l Enigmìsta, Dū Ghigni al gh la cava a far parśunēr Robin e anc la dutōra Chase Meridian (Nicole Kidman), muróśa 'd Batman.